دخپریدو نیټه : 2012-03-11 مخپرونکئ : 049 - دبېنواخبریال - کندهار
كندهار: امريكايي سرتيرو ۱۶ ملكي وګړي وژلي دي
احمد لودين
په كندهار كې امريكايي خاص ځواكونو شپاړس تنه ملكي وګړي چې ښځي او ماشومان هم پكښي شامل دي وژلي دي .
پېښه تېره شپه د پنجوايي ولسوالۍ د زنګ اباد په سيمه كې هغه وخت رامنځ ته شوې ده كله چې امريكايي خاص سرتيري په دريو كورونو ننوتي دي او هلته يې پر ملكي وګړو ډزي كړي دي .
سيمه ايز اوسيدونكي وايې چې دلته نه طالبان وه او نه هم كومه امنتي ستونزه موجوده وه .
كندهار والي توريالى ويسا او په سويل كې د ايساف قومانداني د پېښي پخلى كوي او په دې پېښه كې د ملكي وګړو د وژني خبره مني خو وايې چې د شمير او د پېښي د رامنځته كېدو د دليل په اړه جدي پلټني رواني دي .
دوى وايې چې د پېښي سره د تړاو په تور امريكايي سرتيرىنيول شوى دى .
وسله وال طالبان وايې چې په دې پېښه كې پنځوس تنه ملكي وګړي وژل شوي دي .
