افغانستان بيا په کرکټ کې نميبيا ته ماتې ورکړه

 
افغان کرکټ ملي لوبډلې کوربه هېواد نميبيا ته په دويمه يو ورځنۍ سيالۍ کې هم ماتې ورکړه.
 لوبه لومړى نميبيا پيل کړه چې په ٤٧ اورونو کې د ټولو لوبغاړو په سوځېدو يې افغانستان ته ١٩٣ منډې هدف کېښود.
 افغان لوبډلې په دوه دېرشم اور کې د پنځو لوبغاړو په سوځېدو سره ټاکلى هدف پوره او برى يې خپل کړ.
 په نننۍ لوبه کې حميد حسن د سيالې لوبډلې څلور، حمزه هوتک دوه، سمېع الله شينواري دوه، محمد نبي عيسى خېل او کريم صادق يو يو لوبغاړي وسوځول.
 همدا راز د افغان لوبډلې له لوري شهزاد محمدي ٦٢، نوروز منګل ٤١، محمد نبي عيسى خېل ٤٦، کريم صادق ١٩، سمېع الله شينواري ١٣ او اصغر ستانکزي ١١ منډې جوړې کړې.