مرسته     |     دپاڼي نقشه     |     ننوتل
دخپریدو نیټه : 2014-03-31   مخپرونکئ : 098 - دبېنوا اداره - کابل

نعت

محمد اسحق شهباز‎

 




یا نبی خیرالبشره ستا عزت ته سلام
 د پاکی ښکلی مظهره ستا عصمت ته سلام
 د نړی په سوی زړه چی هسی ولوریده رحم
 په طاغوت شوه زلزله ستا ولادت ته سلام
 سولی معمور په نجات ته د ورا، ماورا
 د خلیل دین سو احیا ستا و بعثت ته سلام
 دا ستا ګفتار الهی هم دی کردار قرآنی
 ستا و دا ښکلی پندار، ستا دیانت ته سلام
 نه وو زمین نه زمان نه یی تشبه په جهان
 میلمه وی په لامکان ستا و قربت ته سلام
 ښیګنی ستا وی ټولی ته د ښیګڼو منشا
 ستا و حیا و تقوا ستا وعفت ته سلام
 خالق پیدا کړه هر څه د خپل حبیب د رویه
 ته سوی محبوب د اکبر ستا محبت ته سلام
 ته یی بشیر و نذیر د انس و جن په نړی
 ستا صداقت و رحمت ستا حقانیت ته سلام
 تاریک سو ټوله جهان چی سترګی پټی کړی تا
 کلام د رب دی میراث ستا و رحلت ته سلام
 شفاعت غواړی د تا، شهباز دی لاس په دعا
 حامی مو سی یا نبی ستا حمایت ته سلام

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery