درې کاله مخکي د کندهار ښاروال غلام حيدر حميدي د خپل کار په دفتر کې ورته ځانمرګي بريد وواژه ، همداراز د ولس مشر ورور احمدولي کرزی هم په خپل کور کي خپل ساتونکي وواژه .
شپاړس کلن ځانمرګي بريدګر د ولس مشر د تره زوی حشمت خليل کرزی په خپل کور کې وواژه ، بريدګر چاوديدونکي توکي په لنګوټه کې ځای پر ځای کړی وه او د کندهار په کرز کلي کې يې د حشمت خليل کرزي ميلمستون ته ځان رسولی وو .
حشمت خليل کرزی د کندهار ولايتي شورا ته بريالی نوماند ، په سويل کې د تحوول او تدام د ټيم د ټاکنيز کمپاين مشر او د ډاکټر اشرف غني احمدزي د ملي ملاتړ کوونکو څخه وو .
حشمت خليل کرزی ، چې په کندهار کې د پراخ نفوذ درلودونکی او قومي مشر وو مخکي يې يوه لويه خصوصي امنتي کمپنۍ درلودل او د ټاکنو په راتلو سره د لوی کندهار دپاره د ولس مشرۍد نوماند ډاکټر اشرف غني احمدزي د ټاکنيز کمپاين مشر او د تحوول او تداوم د ټيم مهم او مخور غړی وو .
حشمت خليل کرزی د کندهار د ډنډ ولسوالۍ په خپل پلرني ټاټوبي کرز کې اوسيدی ، ځانمرګي بريد چې شپاړس کاله عمر يې درلود په لنګوټه کې چاوديدونکي د هغه د ناستي تر ځايه رسولي وه ، تر باڼدار او د اختر تر مبارکۍ وروسته يې د مخه ښي پر مهال د هشمت خليل کرزي د لاس مچولو په حال کې چاوديدونکو ته چاودنه ورکړل او هغه يې وواژه .
عيني شاهدان وايې ، چې په چاودنه کې د حشمت خليل کرزي د سر او مخ برخه په بشپړ ډول له منځه تللې او نور جسد يې روغ دی . بريد د هغه يو ساتونکی هم ټپي کړی دی .
حشمت خليل کرزي ته په ورتګ سره د هغه د ميلمستون په دروازو کې به هر وخت تلاښۍ خورا سختي وي ، خو بريد ګر په خورا بريالي تکتيک سره ځان رسولی وو .
ټوله ورځ د پيښي سيمه د امنتي ځواکونو له لوري کلابنده وه او خبريالانو ته اجازه نه ورکول کيده ، چې د پيښي تر ځايه ځان ورسوي .
حشمت خليل کرزي به هر وخت ، په خپلو ويناوو کې د پښتنو پر روان حالت افسوس ښودی او تل به يې د وينا ټکي په هيواد کې د سولې د پروسې په غښتلي کيدو او ملي يووالي راګرځيده .
د نوموړي د وژني مسووليت تر دې مهاله کومي ډلې په غاړه نه دی اخستې او نه يې هم وسله والو طالبانو په اړه څه ويلي دي .
درې کاله مخکي د کندهار ښاروال غلام حيدر حميدي د خپل کار په دفتر کې ورته ځانمرګي بريد وواژه ، همداراز د ولس مشر ورور احمدولي کرزی هم په خپل کور کي خپل ساتونکي وواژه .
په کندهار کې وروستيو امنتي پيښو خلک انديښمن کړي دي ، د اختر په شپه په سپين بولدک ولسوالۍ کې پنځو ځانمرګو بريدګرو د کندهار د امنيه قوماندان پر کور بريد وکړ . ژړۍ ، ريګستان او يو شمير نورو ولسواليو ته هم د وسله والو طالبانو د راتګ او فعاليت خبرونه را رسيږي .
