دخپریدو نیټه : 2014-08-31 مخپرونکئ : 049 - دبېنواخبریال - کندهار
په ارزګان کې پنځه پوليس ووژل سوه .
لودين
د اروزګان ولايت په چارچينو ولسوالۍ کې د څلورو تنو نفوذي کسانو له لوري د پوستي د قومندان په ګډون دري تنه پوليس وژل سوي دي.
دا پېښه تيره شپه د دې ولسوالۍ د کشي په نوم سيمه کې د پوليسو په يوه امنيتي پوسته کې سوي ده.
د چارچينو ولسوال محمد اسمعيل وايې ، چې نفوذي پوليسو د دې امنيتي پوستي قومندان تازه ګل مشهور په ډاکتر، د هغه ورور او يو تن بل پوليس وژلي دي او وروسته يې د پوستي وسلي او مهمات له ځان سره وړي دي .
ولسوال محمد اسمعيل وايې چې څلور تنه وسله وال نفوذي پوليس تښتيدلي دي او تر دي مهاله پوري دا کسان په دولت کې نه وه راجستر سوي .
د يو بل خبر خبر له مخي د دهراود ولسوالۍ په سيګزي سيمه کې نن سهار نهه بجي د پوليسو پر موټر د سړک د غاړي ماين چاودنه کړي ده.
د دهراود ولسوالۍ امنيه قومندان عبدالرازق مظلوم وايې چې چاودنه دده پر موټر سوي او پر مهال يې دوه تنه پوليس وژل سوي او څلور نور ټپيان سوي دي.
د دواړو پيښو په اړه وسله والو طالبانو څه نه دي ويلي .