مرسته     |     دپاڼي نقشه     |     ننوتل
دخپریدو نیټه : 2014-08-31   مخپرونکئ : 128 - دبېنواخبریال - کابل

طالبانو په فراه کې د ۱۱ کسانو د وژنې مسوولیت منلی

احمد فیصل
وسله والو طالبانو د هغو یولسو تنو د وژنې مسووليت پر غاړه اخيستى، چې وړمه ورځ په فراه ولايت کې وژل شوي و، طالبانو وژل شوي کسان اربکیان بللي دي. سيمه ييزو چارواکو ويلي و، چې دغه کارکوونکي وړمه ورځ په پشت کوه ولسوالۍ کې د ناپېژاندو وسله والو له لوري وژل شوي او پنځه نور يې ټپيان دي. د پشت کوه ولسوال عبدالرحيم حيدري ویلي دا کسان هغه مهال د وسله والو کسانو له لوري په نښه شوي، چې د شيخ ابونصر فراهي بندر پر لوري روان و. خو د طالبانو وياند قاري يوسف احمدي ويلي، چې وژل شوي کسان اربکيان و، نه کارګر او هغوى په سيمه کې پر ګزمې کولو بوخت و. هغه زياته کړه، چې په دغه بريد کې د غلام په نوم د اربکيانو د مشر، د زوى په ګډون ١١ اربکيان وژل شوي او څلور نور ټپيان دي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery