مرسته     |     دپاڼي نقشه     |     ننوتل
دخپریدو نیټه : 2014-09-02   مخپرونکئ : 128 - دبېنواخبریال - کابل

ذکي: هېڅ ډول فشار او ګواښ ته به سر ټیټ نه کړو

احمد فیصل
د ډاکټر اشرف غني احمدزي په مشرۍ د تحول او دوام ټیم د اصلاحاتو او همپالنې ټیم څخه غوښتنه وکړه چې پر خپلې پرېکړې له سره غور وکړي او له پروسې دې نه پر شا کېږي. د دې ډلې ویاند فیض الله ذکي نن یوه خبري کنفرانس ته وویل، چې له تخنیکي او سیاسي پروسې څخه د اصلاحاتو او همپالنې ټیم پر شا تګ د سیاسي انزوا سبب کېږي. هغه زیاته کړه، ګواښونه او فشارونه به دوی هېڅکله دې ته اړ نه باسي چې له اساسي قانون څخه سرغړونه وکړي. نوموړي وویل، چې د اصلاحاتو او همپالنې ټیم دې خپلې غوښتنې له اساسي قانون سره سمې مطرح او له پروسې سره یو ځای شي. نوموړي د بلخ د والي د شنو او نارنجي حرکتونو د پیل په اړه وویل، چې د خلکو پاڅول سخت کار نه دی، خو مخکې له دې چې خلک پاڅون ته وهڅول شي، باید د هغه پایلې وسنجول شي چې هسې نه دغه شنه حرکتونه پر سرو او تورو بدل شي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery