دخپریدو نیټه : 2014-09-21 مخپرونکئ : 128 - دبېنواخبریال - کابل
علي بابا د نیویارک د ونډو بازار ته لاره ومونده
احمدفیصل
سرچینه : همیانۍ ورځپاڼه
د انټرنېټ له لارې د توکو د پلور سترې کمپنۍ علي بابا تېره جمعه د لومړي ځل لپاره د نیویارک د ونډو بازار ته لاره وموندله.
دې کمپنۍ د نیویارک د ونډو په بازار کې ۲۵ میلیارده ډالره پانګونه کړې او د هرې ونډې بیه یې ۶۸ ډالره اعلان کړې وه.
د کار د لومړۍ ورځې تر پایه یې د هرې ونډې بیه ۹۳ ډالرو ته لوړه شوه.
د علي بابا شرکت بنسټګر او مشر چینایي جک د نیویارک د ونډو په بازار کې د کار پیل په مراسمو کې ګډون کړی و.
د ونډو د اوسنیو بیو پر اساس د علي بابا شرکت ټول ارزښت ۱۶۸ میلیارده ډالرو ته رسېږي چې د امازون شرکت تر ارزښت چې ۱۵۰ میلیارده ډالره دی پام وړ زیات دی.
په چین کې د انټرنېټ له لارې تر ۸۰ سلنې ډېره راکړه ورکړه د علي بابا شرکت له لارې ترسره کېږي.