مرسته     |     دپاڼي نقشه     |     ننوتل
دخپریدو نیټه : 2014-09-21   مخپرونکئ : 128 - دبېنواخبریال - کابل

د دواړو نوماندانو ترمنځ د ملي يووالي حکومت جوړېدو هوکړه ليک لاسليک شو

احمدفیصل
د ولسمشرۍ دوو نوماندانو اشرف غني احمدزي او ډاکټر عبدالله نن په ارګ کې د ملي يووالي حکومت هوکړه ليک لاسليک کړ. د ولسمشرۍ دواړو نوماندانو ډاکټر اشرف غني احمدزي او ډاکټر عبدالله د ملي يووالي حکومت هوکړه ليک نن له غرمې مخکې د ولسمشر حامد کرزي، جهادي مشرانو او نورو چارواکو پر وړاندې په ارګ کې لاسليک کړ. دغه هوکړه ليک اووه مادې لري، د اجرائيوي لومړي وزير څوکۍ د رامنځته کولو په موخه په اساسي قانون کې د تعديل لپاره د لويې جرګې رابلل، د اجرائيوي رياست پست، د لوړ پوړو دولتي چارواکو ټاکنه، د دويم ګټونکي ټيم لپاره د مشرۍ پست (د دولت اپوزېسيون) رامنځته کول او ټاکنيز اصلاحات یې مهم موارد دي. دغه هوکړه ليک په داسې حال کې لاسليک شوى چې د ټاکنو خپلواک کمېسيون اعلان کړى چې د ولسمشرۍ ټاکنو پايلې د نن ورځې تر پايه اعلانوي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery