مرسته     |     دپاڼي نقشه     |     ننوتل
دخپریدو نیټه : 2014-09-23   مخپرونکئ : 128 - دبېنواخبریال - کابل

د چین د مالې وزیر: د هېواد اقتصاد مو په مناسب حالت کې دی

احمدفیصل
سرچینه : همیانۍ ورځپاڼه
د چین د ماليې وزیر وايي د هېواد اقتصاد یې د ثابت پرمختګ په حال کې دی. «لو جي وې» د شلو سترو صنعتي هېوادونو د ماليې وزیرانو غونډې ته د وینا پر مهال ویلي چې د چین د اقتصاد عمومي تګلاره به په ټولیز ډول خپلې عمومي موخې ترلاسه کړي. د شینهوا خبري اژانس د راپور له مخې ده چې د چین د اقتصادي وضعیت په اړه یې معلومات وړاندې کول د خپل هېواد اوسنی اقتصادي بهیر مناسب وباله او یادونه یې وکړه چې تر اګېسټ پورې د کاري فرصتونو د رامنځته کولو بهیر په ښه حالت کې و. جې په عین حال کې وویل چې د اقتصادي ودې ټاکلي هدف ته د رسېدو په برخه کې یې پر هېواد لا هم فشار شته. هغه زياته کړه چې د چين حکومت د اقتصادي ودې د ګړندیتوب لپاره يو لړ تدابیر نيولي دي. د دغو تدابیرو په لړ کې د دولتي تصديو، د کورونو د ادارې او کليوالو ځمکو په برخو کې د اصلاحاتو په موخه ګامونه د چټکوالي په حال کې دي چې دا به د اقتصادي ودې لپاره خوځنده ځواک برابر کړي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery