مرسته     |     دپاڼي نقشه     |     ننوتل
دخپریدو نیټه : 2014-09-28   مخپرونکئ : 098 - دبېنوا اداره - کابل

اختر

اشنا


 

ما ته اختر سره غمونه راځي
د تیر دوران خواږه یادونه راځي

ځما په غم شهیده مور یادوم
دخاطرو په زړه داغونه راځي

چې ایني د خوږ ماضي ته ګورم

راته په یاد ښکلي فکرونه راځي

د ځوانۍ هیلو جوړول قصرونه
خیال ته هغه ښیسته وختونه راځي

د پښتنو هغه عالی دودونه
د تاریخ پاڼو کې ذکرونه راځي

مینه وروري او خواخوږي وه زیاته
داسې صفت کې ډیر بابونه راځي

 زړونه به خوښ وو د وجدان په نیرو
کله اوس بیا هغه کلونه راځي

اوس مې پښتو په زړه داغلې ښکاري
ځکه د زړه په سر دردونه راځي
()

د روح غذا چې به پښتو زمونږ وه
اوس د هغې په کور تندرونه راځي

ځکه اختر کې اوس ژړیږي اشنا
چې مې خاطر ته وران کورونه راځي

۱۳۷۰/۱۰/۱۴


 

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery