پخواني ولسمشرد ایران د جمهوري ریاست له مرستیال سره وکتل

دافغانستان پخواني ولسمشر حامدکرزي د ایران د جمهوري ریاست له مرستیال محمد شریعت مداري سره وکتل.په دغه کتنه کې چې نن له غرمې مخکې په ارګ کې ترسره شوه، د ایران مرستیال ولسمشرد خپل هېواد د ولسمشر حسن روحاني نیکې هیلې او سلامونه حامدکرزي ته و رسول او د افغانستان د منتخب جمهور رئیس ډاکتر محمد اشرف غني احمدزي د لوړې په مراسمو کې د ګډون په موخه ده ته د ورکړل شوې بلنې له امله یې مننه وکړه.د ایران د جمهوري ریاست مرستیال په بهرني سیاست کې د حامدکرزي مستقلانه تګلاره او له ګاونډیو هېوادونو سره د هغه ښه مناسبات د قدر وړ وبلل.په دې کتنه کې شریعت مداري حامدکرزي ته په رسمي ډول بلنه ورکړه چې په یوه مناسب وخت کې هغه هېواد ته سفر وکړي.