مرسته     |     دپاڼي نقشه     |     ننوتل
دخپریدو نیټه : 2014-09-30   مخپرونکئ : 128 - دبېنواخبریال - کابل

ملګرو ملتونو د افغانستان خلکو ته مبارکي ویلې

احمدفیصل
ملګرو ملتونو او يو شمېر هېوادونو د نوي ولسمشر او اجرايوي رييس د لوړې د مراسمو د ترسره کېدو مبارکي ورکړې ده.ملګرو ملتونو په یوه خبرپاڼه کې ویلي چې دوى دواړو افغان مشرانو ته د نويو دندو مبارکي وړاندې کوي. ملګرو ملتونو د ډاکټر اشرف غني او ډاکتر عبدالله د هغې ژمنې هرکلى او ستاينه کړې، چې په ګډه سره د کار کولو په اړه يې کړې ده. يوناما هيله څرګنده کړې، چې دواړه افغان مشران به ډېر ژر خپل نوى حکومت او نوې کابينه هم جوړه کړي. د افغانستان لپاره د ملګرو ملتونو پخواني ځانګړي استازي يان کوبيش ويلي، دواړو افغان مشرانو پورې د ولس هيلې تړلې او افغانستان له ډېرو ننګونو سره هم مخ دى، چې دغه ننګونې يواځې د ملي حکومت په رامنځته کېدو سره هوارېدلى شي. کاناډا او امریکا هم د نوي ولسمشر او اجرایوي رییس د لوړې هرکلی کړی دی.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery