مرسته     |     دپاڼي نقشه     |     ننوتل
دخپریدو نیټه : 2014-10-22   مخپرونکئ : 128 - دبېنواخبریال - کابل

د ډيلي په امنيتي کنفرانس کې پر افغانستان خبرې کېږي

احمد فیصل
د هندوستان په پلازمېنه ډيلي ښار کې د امنيتي کنفرانس په ترڅ کې تر ٢٠١٤ کال وروسته د افغانستان پر امنيتي حالاتو خبرې کېږي. د افغانستان د کورنيو چارو وزير محمدعمر داوودزي د افغانستان په استازيتوب په دغه کنفرانس کې ګډون کړى دى. د ياد وزارت وياند صديق صديقي چې له وزير سره دغه کنفرانس ته ملګرى دى، په خپله ټويټرپاڼه کې ليکلي چې دغه کنفرانس پرون پيل شو او دوه ورځې به دوام وکړي. هغه زياته کړې چې په کنفرانس کې د نړۍ او سيمې د امنيت تر څنګ تر ٢٠١٤ کال وروسته د افغانستان پر امنيتي حالاتو هم خبرې کېږي. دغه کنفرانس (د مونیخ امنيتي کنفرانس) په نوم يادېږي چې هر کال يو ځل ترسره کېږي، تر دې مخکې ياد کنفرانس په واشنګټن کې جوړ شوى دى.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery