دخپریدو نیټه : 2014-10-28 مخپرونکئ : 128 - دبېنواخبریال - کابل
له قرارداد پلورونکو شرکتونو سره به قانوني چلند وشي
احمد فیصل
ولسمشر غني وايي له هغو شرکتونو سره به جدي چلند ورکړي چې قراردادونه پلوري. نوموړي د ساختماني شرکتونو له استازو سره په کتنه کې ویلي چې ساختماني سکټور د هېواد لپاره حياتي دى او په افغانستان کې د ساختماني سکټور اساسي ستونزه دا ده چې ودانۍ د معيار له مخې نه دي جوړې شوې. د ولسمشرۍ په خبرپاڼه کې د ولسمشر له قوله ویل شوي د ساختماني شرکتونو ظرفيت بايد تثبيت شي، چې حکومت له دوی سره د اوږدمهالو همکاريو چوکاټ رامنځته کړي. ولسمشر د افغان شرکتونو له خوا د قراردادونو ترلاسه کولو ته د اشارې په ترڅ کې ويلي چې د افغانستان د ساختماني شرکتونو مسوولين بايد وکولاى شي چې له اړوندو مراجعو څخه اصلي او يا د لومړي لاس قراردادونه ترلاسه کړي.