مرسته     |     دپاڼي نقشه     |     ننوتل
دخپریدو نیټه : 2014-11-20   مخپرونکئ : 123 - دبېنوا خبریال - کابل

د بېلابېلو پیښو پرمهال ګڼ شمېر وسلوال وژل شوي دي

سید سلام
په هېواد کې د ځينو امنيتي پېښو له امله لس وسله وال وژل شوي او ځيني يې ژوندي نيول شوي دي.د غزني چارواکي وايي چې د ملي اردو له لوري په ګيرو او واغز ولسواليو کې د عملياتو پر مهال وسله والو مخالفينو ته مرګ ژوبله اوښتې ده.په دغه ولايت کې د ۲۰۳ تندر قول اردو د درېيمې لوا وياند نظيف الله سلطاني وويل چې تېره شپه د ګيرو ولسوالۍ د شيلې په سيمه کې څلور وسله وال طالبان په نښته کې وژلي شوي دي.هغه زياته کړه، د دې ترڅنګ د ولايت د مرکز اړوند په زيوچ سيمه کې درې وسله وال چې د ښار په نا امنيو کې يې لاس درلود، هم وژل شوي دي.بلخوا په ميدان وردګو ولايت کې هم د يوې نښتې په ترڅ کې وسله والو ته مرګ ژوبله اوښتې ده.د دغه ولايت د والي وياند عطاء الله خوږياڼی وايي، چې پرون په سید اباد ولسوالۍ کې نښته شوې چې په ترڅ کې يې درې وسله وال مخالفين وژل شوي او دوه ټپيان دي.بلخوا د پکتيا د امنيې قوماندانۍ چارواکي وايي چې د مرکز اړوند سيمو کې يې په بېلابېلا عملياتو کې درې وسله وال نيولي دي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery