ځما یادیږي ټول ځوانان د وطن
د کور او کلي ټول خپلوان د وطن
تېر خاطرات مې په ارام نه پریږدي
د پسرلي ښایسته ګلان د وطن
د کوچینوالي نازولې هیلي
د خوږ ژوندون په باب ارمان د وطن
چې د ځوانۍ د وخت یادونه یاد کړم
کاڼي او بوټي وو بوستان د وطن
د داسې پوهې بندیتوب به نه و
ازاد ژوندون هغه زمان د وطن
هره شېبه به په مزو تېریده
په هر ګلشن کې بلبلان د وطن
د اوښکو ځای مې دی نیولی وینو
(اشنا) چې یاد کړمه یاران د وطن
شاعر- ارواښاد سیف الرحمن(اشنا
