مرسته     |     دپاڼي نقشه     |     ننوتل
دخپریدو نیټه : 2015-02-25   مخپرونکئ : 049 - دبېنواخبریال - کندهار

له ۳۰ تښتوول سويو مسافرو يو خوشي سوی او قومي مشران سيمي ته ځي .

لودين
د زابل مقاماتو تايد کړه ، چې په دغه ولايت کې د ۳۰ تښتول سويو مسافرو څخه يو تن د سې شنبې په ماښام خوشي سوي دي . د مقاماتو په وينا د پاته تښتول سويو کسانو دخوشي کېدو لپاره د پوځي عملياتو ترڅنګ دقومي مشرانو يوه ډله د تښوتونکو سره د خبرو لپاره سبا د خاک افغان ولسوالۍ ته ځي . د زابل د امنيت امر غلام جلاني فراهي وايې ، چي تښتوونکو د ۳۰ تښتول سويو کسانو له جملې يوتن چي عمر يي زيات وو او ممکن ماشومان ورسره وي د سې شنبې په ماښام خوشي کړي دي . د فراهي په وينا د پاته تښتول سويو کسانو دخوشي کيدو لپاره د پوځي عملياتو ترڅنګ نن چهارشنبه د قومي مشرانو يوه ډله د تښوتونکو سره د خبرو لپاره د خاک افغان ولسوالۍ ته ځي فراهي که څه هم دا رد کړه چي تښتونکي دي د داعش سره تړاوو ولري ، خو په وينا يي تښتوونکو ولسي خلکو ته خپله يوه غوښتنه مطرح کړي چي هغه د غزني په جاغوري ولسوالۍ کې د خپل يوه نيول شوي موټر د خوشي کيدو غوښتنه ده. دا چي په دې موټر کې څه وو او څومره مهم دي په اړه يې د امنيت امر ناخبري وښودل خو ديادلو وړده چي د رواني اونۍ په سر کې د زابل په شاه جوۍ ولسوالۍ کې په وسلو بار يو کانټينر موټر له ۳ تنو سره يو ځاي د پوليسو لخوا نيول سوی وو هغه مهال هم داسي شکونه وو چي ممکن دغه وسلې د زابل په شمالي ولسواليو کې د نويو را پيدا سويو وسله والو ډلو پوري اړه ولري .
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery