مرسته     |     دپاڼي نقشه     |     ننوتل
دخپریدو نیټه : 2015-03-01   مخپرونکئ : 128 - دبېنواخبریال - کابل

په لوګر کې بې پیلوټه الوتکه لوېدلې

احمد فیصل
چارواکي وايي، د بهرنیو ځواکونو یوه بې پیلوټه الوتکه په لوګر ولایت کې لوېدلې ده. رسنیو د لوګر د سرپرست والي د ویاند له قوله ویلي چې دا بې پیلوټه الوتکه پرون د څرخ ولسوالۍ په یوه ناامنه سیمه کې لوېدلې ده. دین محمد دروېش ويلي، الوتکه د تخنیکي ستونزې له امله خپله غورځېدلې او د امنتیتي ځواکونو لاس ته ورغلې ده دروېش زیاتوي، چې په یاده سیمه کې د افغان ځواکونو او وسله والو طالبانو تر منځ نښته هم شوې، چې په جګړه کې یو طالب وژل شوی او بل ټپي شوی دی. طالبان بیا وايي، دغه الوتکه دوی ویشتلې او راغورځولې یې ده. طالب ویاند ذبیح الله مجاهد وايي، دغه الوتکه طالبانو د څرخ ولسوالۍ په خواجه اسماعیل سیمه کې ویشتې او رانسکوره کړې ده.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery