وسله والو په چمن کې دوه افغان پولیس وژلي

پاکستاني رسنۍ وايي وسله والو دوه افغان پولیس له ډیورېنډ کرښې پورې غاړې په چمن سیمه کې وژلي دي. ډان ورځپاڼې ویلي دغه دوه افغان پولیس کوټې ته د درملنې لپاره روان و چې پر لاره د موټر سایکل سپرو وسله والو تر برید لاندې راغلل. سرچینه وايي په برید کې دواړه پولیس وژل شوي او برید کوونکي په تېښه بریالي شوي. ویل کېږي دغه پولیس د هملند ولایت اوسېدونکي وو او کوټې ته د درملنې لپاره روان وو.