مرسته     |     دپاڼي نقشه     |     ننوتل
دخپریدو نیټه : 2015-05-18   مخپرونکئ : 128 - دبېنواخبریال - کابل

روسیې هغه هوکړه لغوه کړې چې د دغه هېواد له لارې به افغانستان ته د ناټو پوځي اکمالات رسېدل

احمد فیصل
روسیې د دغه هېواد له لارې په افغانستان کې د ناټو مېشتو ځواکونو ته د پوځي اکمالاتو د رسولو هوکړه لغوه کړې ده. د رشیا ټوډې د راپور له مخې د روسیې لومړي وزیر دیمتري میدویدوف پرون د یوه فرمان په صادرولو سره د روسیې له لارې افغانستان ته د ناټو د پوځي اکمالاتو اړوند پخوانۍ هوکړه لغوه کړې ده. د روسیې د بهرنیو چارو وزارت ته دنده سپارل شوې چې د لومړي وزیر د دغه فرمان په اړه د ناټو غړو هېوادونو ته معلومات ورکړي. روسیې له ۲۰۰۱ زېږدیز کال راهیسې د ملګرو ملتونو د امنیت شورا د پرېکړې له مخې ناټو ته اجازه ورکړې وه چې د دغه هېواد له لارې افغانستان ته خپل پوځي اکمالات وکړي. وروسته په ۲۰۰۸ کال کې هم د دواړو لورو ترمنځ هوکړه لاسلیک شوه چې له مخې یې ناټو د روسیې له لارې افغانستان ته د پوځي اکمالاتو د رسولو اجازه ترلاسه کړه.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery