مرسته     |     دپاڼي نقشه     |     ننوتل
دخپریدو نیټه : 2015-05-18   مخپرونکئ : 128 - دبېنواخبریال - کابل

حامد کرزی په کابل کې د ماشومانو له روزنتون سره مرسته کوي

احمد فیصل
پخواني ولسمشر حامد کرزي د ماشومانو روزنتون له چارواکو او ماشومانو سره د ليدنې پر مهال ژمنه کړې چې د دغه بنسټ د ښوونې او روزنې په برخه کې همکاري کوي.دغه څرګندونې په هغې خبرپاڼه کې چې پرون د حامد کرزي له دفتره خپره شوې راغلې دي. د خبرپاڼې له مخې، پخواني ولسمشر حامد کرزي پرون په کابل کې د ماشومانو د روزنتون له چارواکو او د دغه بنسټ له يو شمېر ماشومانو سره وليدل.په ياده ليدنه کې د ماشومانو د روزنتون مشر محمد ابراهيم رهين د دغه بنسټ د فعاليتونو په اړه پخواني ولسمشر ته معلومات ورکړل.د سرچيني په حواله، وروسته حامد کرزي د ياد بنسټ له چارواکو او ماشومانو سره ژمنه وکړه چې د يادو ماشومانو د ښوونې او روزنې په برخه کې همکاري کوي.دغه راز د يوې بلې خبرپاڼې له مخې، پخواني ولسمشر حامد کرزي پرون د ملي تحريک ګوند د مشر محمد اسماعيل يون د مور په فاتحه کې چې د کابل د عيدګاه جومات کې اخيستل کېده ګډون وکړ.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery