مرسته     |     دپاڼي نقشه     |     ننوتل
دخپریدو نیټه : 2015-05-27   مخپرونکئ : 128 - دبېنواخبریال - کابل

کرزی: د ترهګرۍ پروړاندې روانه جګړه د سیمې هېوادونو له همکارۍ پرته نه شي ګټل کېدای

احمد فیصل
پخواني ولسمشر حامد کرزي ویلي چې د ترهګرۍ پر وړاندې روانه جګړه د سيمې د هېوادونو له همکارۍ پرته نه شي ګټل کېداى. کرزي دغه څرګندونې چين ته د سفر مهال له سي سي ټي وي سره په يوه مرکه کې کړې دي. هغه په دې مرکه کې ويلي چې تر لسو له ډېرو کلونو راهيسې په افغانستان کې د ترهګرۍ پر ضد جګړه روانه ده، خو کومه پايله يې تر اوسه نه ده ورکړې. نوموړي په ډاګه کړې، که دا په رښتيا د ترهګرۍ پر وړاندې جګړه واى، نو بايد د سيمې له هېوادونو سره په همکارۍ، همغږۍ او ګډو هڅو سره ترسره شوې واى. کرزي ويلي چې په دې سيمه کې وړتياوې زياتې دي، ټيکنالوجۍ پرمختګ کړى او د کار خلک هم ډېر دي. د هه په وينا، امريکا او نوره غربي نړۍ بايد د ترهګرۍ پر وړاندې په روانه جګړه کې د دې سيمې له هېوادونو سره مشوره کړې واى.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery