مرسته     |     دپاڼي نقشه     |     ننوتل
دخپریدو نیټه : 2015-06-21   مخپرونکئ : 039 - دبېنوا اداره - کابل

غزل

اتل وردګ

 

 څومره ښکلی وی خوږی وی هغه زموږ شـــــپی
 د ساحل غیږ وه ، سپوږمی وه ، زه او ته وو
 ته بربڼده له هر بند څخه فــــــــــارغه
 ما هم هیر کړل څو شیبی چه پښتـــــانه وو
 نه مو ډار وو د طالب نه د ملا نـــــــــه
 یو د بل غیږ کی بیخوده چـــــ‎ـی پراته وو
 تاته نور د پیغلتوب خـــــــــبره مړه وه
 ماتــــــــه ستا د بدن غړی ټول خواږه وو
 چــــــــا ویلی چی هوس دی، دا عشق نه دی
 ما ویلی د خـــــــدای کور کی میلمانه وو
 په ښـــــــکلا کی دی جادو د ژوندون نغښتی
 په لمن کی دی د عشق ســــتوری پراتــه وو
 وحشی حسن دی مـــــــات کړی نـه وم یواځی
 سپینو پښــــــو ته دی ګلان واړه کـاږه وو
 ملایان که دښمنان ستـا د کاتـــــــــه دي
 شاعران خو شهیدان ستـــــــــا د باڼه وو


 مزارشریف ۱۳۹۴

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery