مرسته     |     دپاڼي نقشه     |     ننوتل
دخپریدو نیټه : 2015-09-02   مخپرونکئ : 128 - دبېنواخبریال - کابل

په غزني کې د پاڅون کوونکو او وسله والو ترمنځ نښته شوې ده

احمد فیصل
د غزني په اندړو ولسوالۍ کې د وسله والو طالبانو او پاڅون کوونکو تر منځ نښته شوې چې په ترڅ کې يې پنځه پاڅون کوونکي او څلور طالبان وژل شوي دي. د غزني د والي وياند شفيق ننګ وايي چې تېره شپه وسله والو طالبانو د اندړو ولسوالۍ په ګنډير سيمه کې د پاڅون کوونکو پر پوسته بريد کړى دى. هغه وايي چې په دغه بريد کې په پوسته کې د پاڅون کوونکو د قوماندان پاچا په ګډون پنځه کسان وژل شوي او درى نور ټپيان دي. ننګ زياته کړه چې د پاڅون کوونکو له لوري په ځوابي ډزو کې څلور طالبان وژل شوي او درى نور ټپيان دي. د هغه په وينا، د وژل شوو دوو طالبانو جسدونه په سيمه کې پراته دي. دغه راز د غزني د ولايتي شورا مرستيال عبدالجامع جامع پژواک ته وويل چې د وسله والو طالبانو د تېرې شپې په بريد کې ٧ پاڅون کوونکي وژل شوي او يو بل ټپي دى. خو د وسله والو طالبانو وياند ذبيح الله مجاهد وايي چې طالبانو د اندړو ولسوالۍ د تېرې شپې په بريد کې اته پاڅون کوونکي وژلي دي. دغه راز د غزني د امنيې قوماندانۍ د امنيت امر سمونوال اسدالله انصافي وايي چې د تېرو ١٤ کلونو په لړ کې تېره شپه د لومړي ځل لپاره وسله والو طالبانو د غزني په ناهور ولسوالۍ کې پر يوې پوستې بريد کړى دى. هغه وايي چې په دغه بريد کې يواځې يو پوليس ټپي شوى دى.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery