مرسته     |     دپاڼي نقشه     |     ننوتل
دخپریدو نیټه : 2016-04-17   مخپرونکئ : 128 - دبېنواخبریال - کابل

هېواد کې د وروستیو شدیدو بارانونو او سېلابونو له کبله ۴۳ کسان مړه شوي

د هېواد په یو شمېر سیمو کې د سېلابونو د راوتو او شدیدو بارانونو له کبله ۴۳ کسان مړه شوي دي. تر ټولو سیمو ډېر ځاني زیان په شمال لوېدیځ ولایت بادغیس کې اوښتی دی. د بادغیس ولایت د ځایي چاروکو په خبره، په دې ولایت کې د یوې ښځې او دوو ماشومانو په ګډون ۲۸ کسانو خپل ژوند له لاسه ورکړی. د سمنګانو ولايت په دره صوف پايين او حضرت سلطان ولسواليو کې هم سېلابونو پنځه تنه وړي دي. له بلخ نه هم راپورونه وایي چې په دې ولایت کې د سېلابونو له کبله درې تنه مړه شوي دي. د تخار ولايت د مرکز اړوند سيمو کې هم سيلابونو درې تنه وړي او وژلي دي. له شمال پرته د هېواد نورو سیمو کې هم د سېلابونو او شدیدو بارانونو له کبله ځاني او مالي زیانونه اوښتې دي. په هرات کې یې هم له کبله ۴ کسانو ژوند له لاسه ورکړی دی. پر دې سربېره؛ ښايي د تېرې ورځې سېلابونو له کبله نورو سیمو کې هم ځاني زیانونه اوښتې وي، چې رسنیو ته یې په اړه مالومات نه دي رسېدلي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery