مرسته     |     دپاڼي نقشه     |     ننوتل
دخپریدو نیټه : 2016-04-22   مخپرونکئ : 128 - دبېنواخبریال - کابل

چارواکي: پاکستان کې د ناقانونه افغان کډوالو د ثبت او راجستر لړۍ پېلیږي

احمد فیصل
افغان چارواکي وايي، ډېر ژر به په پاکستان کې د هغو افغانانو د نوم لیکنې لړۍ پېل شي، چې قانوني اسناد نه لري. د کډوالو او راستنېدونکو چارو وزارت مطبوعاتي سلاکار حفیظ احمد میاخېل وايي، پاکستان ته د وزیر سید حسین عالمي بلخي د سفر پر مهال د هغه هېواد چارواکو ژمنه کړې، چې په درېو اوونېو کې به د هغو افغان کډوالو د ثبت او راجستر لړۍ پېل کړي، چې قانوني اسناد نه لري. نوموړي ویلي، دا ژمنه په بهرنیو چارو کې د پاکستان د لومړي وزیر سلاکار سرتاج عزیز او یو شمېر نورو چارواکو کړې ده. د میاخېل د مالوماتو پر اساس پاکستاني چاروکو تر دې وړاندې هم ورته ژمنه کړې وه، چې د یو لړ ستونزو له کبله عملي نه شوه. د ویلو ده، چې دا مهال په پاکستان کې تر دوه نیمو ملیونو افغان کډوال ژوند کوي، چې نږدې نیمايي یې هلته د اوسېدو قانوني اسناد نه لري.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery