مرسته     |     دپاڼي نقشه     |     ننوتل
دخپریدو نیټه : 2016-05-23   مخپرونکئ : 128 - دبېنواخبریال - کابل

د طالبانو تر منځ د نوي مشر پر سر بحثونه روان دي

احمد فیصل
سرچینې وايي، د ملا اختر محمد منصور تر وژل کېدو وروسته د طالبانو په لیکو کې مخالفتونه نور هم زیاتېدای شي. طالبانو ته نږدې سرچینې وایي، د سیمې استخبارات له څه مودې راهیسې هڅه کوي، چې یاده ډله په څو نورو ډلو وویشي او د ملا منصور تر وژنې وروسته د رهبرۍ پر سر اختلافات هم ډېرېدای شي. په همدې حال کې د ملي شورا غړي په پاکستان کې د ملا منصور وژنه په هغه هېواد کې د وسله والو ډلو د پټنځایونو او فعالیتونه لوی ثبوت بولي او غوښتنه کوي، چې حکومت باید په دې تړاو د ملګرو ملتونو امنیت شورا ته شکایت وکړي. په ورته مهال د ولسمشر د ویاند مرستیال دوا خان مینه پال وايي، چې وسله وال مخالفان او مشران یې په هیڅ ځای کې خوندي ندي او سوله ییز ژوند ته د راګرځيدو لپاره دې د سولې خبرو ته غاړه کیږدي. ویل کیږي، چې د ملا اختر منصور تر وژنې وروسته اوس د نوموړي د ځای ناستي پر سر د طالبانو تر منځ بحثونه روان دي.
Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery