مرسته     |     دپاڼي نقشه     |     ننوتل
دخپریدو نیټه : 2016-09-19   مخپرونکئ : 039 - دبېنوا اداره - کابل

د امنیتي اورګانونو په لیکو کي د کم عمره ځوانانو پلټنه به جدي پیلیږي

جواد

د ولسمشر د ځانګړي استازي تورن جنرال حبيب الله احمدزي په مشرۍ پکتیکا ولایت ته یو  اته کسیز پلاوي تللی تر څو هلته د  افغان دفاعي او امنیتي ځواکونوپه لیکو کې د کم عمره ځوانانو د پلټنې اومخنيوي په موخه د دغه ولایت له والي او د نظامي ځواکونو له مسوولينو او استازيو سره خبري وکړي ،  چې  په پکتیکا کې د شته ملي پولیسو، ملي اردو،  سرحدي او محلي پولیسوپه لیکو کې هغه کم عمر ځوانان پیدا او په ګوته کړي چې عمرونه يې نه اجابوي چې دغه دنده پر مخ يوسي، پلاوي چې په ترکیب کې يې په افغانستان کې د بشري حقونوخپلواک کمیسيون د ماشومانو د څانګې مسولین هم وو، له ولایتي ادارې غوښتنه وکړه چې د افغان امنیتي او دفاعي ځواکونو له لیکوڅخه دي کم عمره ماشومان لري کړل شي او هغه څوک چې دا ماشومان يې راوستلي وي د جزا د قانون له مخې مجازات کړي.

تر دغه لیدني وروسته د پکتیکا والي ښاغلي الیاس وحدت په پکتیکا کې د ټولو امنیتي او دفاعي ځواکونو مسوولينو ته دنده وسپارلې چې د یوې اونۍ په اوږدو کې په خپلو لیکو کې د کم عمره ماشومانو پلټنه وکړي  او راپور ئې ژر تر ژره ولایت مقام ته وسپاري

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery