مرسته     |     دپاڼي نقشه     |     ننوتل
دخپریدو نیټه : 2016-09-21   مخپرونکئ : 039 - دبېنوا اداره - کابل

غزل

اسدالله غيرت



زه اوستا يادونه ټوله شپه څراغ ته تېره کړو
نه راځي خوبونه ټوله شپه څراغ ته تېره کړو
ای خواږې شيبې ستا دليدو په هيله خدای پاک ته
ډير وکړوسوالونه ټوله شپه څراغ ته تېره کړو
ته چې بيلوې، زمونږ له غيږې نه ديارغيږه
مونږ به نوبيلتونه، ټوله شپه څراغ ته تېره کړو
مونږ ددې ارمان په خاطرخدايه په سجده باندې
راکړې جنتونه، ټوله شپه څراغ ته تېره کړو
کله کله زه اودالهام ښاپيرۍ دوه په دوه
ليکوغزالونه ټوله شپه څراغ ته تېره کړو
تل مو وي نيولي ای غيرته دالله در کې
دا خيرن لاسونه ټوله شپه څراغ ته تېره کړو
نيټه ۱۳۸۹-۴-۲۴
منداخيل

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery