دغه سیالۍ چې د سوک وهنې فدراسیون له لورې د سولې په نوم ننګرهار بدني روزنې امریت کې په لاره اچول شوې وې، د جلال اباد ښار څلورو کلپونو په کې ګډون کړی وو، یادې سیالۍ د لوبغاړو د استعدادونو د لوړولو او هڅونې په موخه په لاره اچول شوې وې .
ننګرهار بدني روزنې امر شاهدالله صافي د سوک وهنې فدراسیون څخه مننه وکړه او زیاته یې کړه، کلونه وشول، چې په ننګرهار کې د سوک وهنې په برخه کې داسې سیالۍ نه وې ترسره شوې .
په پای کې ګټونکو لوبغاړو ته مډالونه، ستاینلکونه او کپونه ورکړل شول.
