مرسته     |     دپاڼي نقشه     |     ننوتل
benawa-etisalat
دخپریدو نیټه : 2016-12-27   مخپرونکئ : 039 - دبېنوا اداره - کابل

د پکتیکا هاشمیه ښوونځي ته عصري وداني جوړیږي.

جواد

 

د پکتیکا ولایت په غیر رسمي ولسوالۍ بکخېلو کې د هاشمیه په نوم ښوونځي ته نوې وداني جوړیږي او ټاکل شوې د جوړېدو چارې یې تر شپږو میاشتو پورې بشپړې شي.

په همدې اړه د دوشنبې په ورځ په بکخېلو ولسوالۍ کې پراخ مراسم نیول شوې وو، چې د پکتیکا پر والي محمدالیاس وحدت سربېره، د ولایتي شورا غړو، امنیتي چارواکو، د بېلا بېلو ادارو مسولینو له ګڼ شمېر سیمه والو ګډون کړی وه.

پکتیکا والي محمدالیاس وحدت د ولسونو پراخ ګډون او د پوهنې له بهیر سره بې سارې مینه وستایله او زیاته یې کړه چې ولسونه کولای شي ستر بدلونونه او پرمختګونه رامنځ ته کړي.

ښاغلي وحدت د بکخېلو خلکو ته د خپل سفر په ترڅ کې د هاشمیه ښوونځي د بنسټ ډبره د ډالۍ په توګه وړاندې کړه او زیاته یې کړه چې د خلکو په همکارۍ به د پوهنې بهیر د پیاوړتیا او غني کولو لپاره په ګډه هلې ځلې کوي.

aicts spozmai radio ipower
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery