مرسته     |     دپاڼي نقشه     |     ننوتل
دخپریدو نیټه : 2017-02-22   مخپرونکئ : 039 - دبېنوا اداره - کابل

د عامه او خصوصي مشارکت پروګرام د یو ورکشاپ په ترڅ کې د لوړو زده کړو وزارت کارکوونکو ته ور وپېژندل شو

جواد

 

د عامه او خصوصي مشارکت پروګرام د مالیې وزارت د عامه او خصوصي مشارکت کارکوونکو لخوا د یو ورکشاپ په ترڅ کې چې د لوړو زده کړو وزارت د کنفرانسونو په تالار کې جوړ شوې وو د یاد وزارت کارکوونکو ته ور وپېژندل شو.

د لوړو زده کړو وزیرې اغلې فریدې مومند، په پرانیسته وینا کې د عامه او خصوصي مشارکت د پروګرام په موخو او ګټو خبرې وکړې او یاد پروګرام یې د حکومت یوه ستره لاسته راوړنه وبلله. نوموړې له خپلو ټولو کارکوونکو څخه هیله وکړه چې له دې پروګرام څخه پوره ګټه واخلي.

د مالیې وزارت د عامه او خصوصي مشارکت رئیس ښاغلي عبدالمومن منصور ګډونوالو ته د ښه راغلاست تر څنګ د یاد پروګرام د اهمیت او ګټو په اړه هر اړخیز معلومات ورکړل.

د یادونې وړ ده چې په دې ورکشاپ کې د لوړو زده کړو وزارت مرستیالانو، د ولایتونو رئیسانو، د پوهنتون استادانو او ګڼ شمېر کارکوونکو ګډون کړی وو.

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery