دخپریدو نیټه : 2007-07-23 مخپرونکئ : عُمر واحديار
پخوانى پاچا محمدظاهرشاه له نـــړۍ وکوچېد
عمر واحديار
بي بي سي نيوز
خبر ورکړ چي د افغانستان پخوانى پاچا محمدظاهرشاه نن سهار د زمري د مياشتي پر لومړۍ نېټه په کابل کي د
٩٣ کالو په عمر له نړۍ څخه وکوچېد.
محمدظاهر شاه چي له ډېره وخته يې د مرګ او ژوند خبره د خلګو
پر خولو ګرځېده نن يې په رسمي ډول مطبوعاتو ته د مرګ خبر ورکړل سو.
اعليحضرت محمدظاهرشاه د
اعليحضرت محمدنادرشاه زوى و چي په ١٩٣٣ کال د خپل پلار تر وژل کېدو وروسته د افغانستان پاچاهۍ ته ورسېد او په
١٩٧٣ کال د يوې کودتا په واسطه له واکه ليري کړل سو.
محمدداود خان
چي د محمدظاهرشاه د اکا زوى هم کېــــدئ هغه وخت د شاهي نظام د ړنګېدو او جمهوري نظام د رامنځته
کېدو اعلان وکړ چي پاچا اېټاليا ته په سفر تللـــئ و.
په افغانستان کي د جم
هوري نظام له راتګ وروسته ظاهرشاه په روم کي پاته سو او درې لسيزي وروسته په ٢٠٠٢ کال کي افغانستان ته راستون
سو.
د نوموړي د ٤٠ کلني واکمنۍ په وروستۍ لسيزه کي د لومړي ځل دپاره په افغانستان کي د پر
ديموکراتيکو اصولو ولاړ نظام بنسټ کښېښودل سو او د اساسي قانون له مخي د مطبوعاتو او ګوندونو آزادي خوندي سوه.
محمدظاهرشاه د افغانانانو په زړه کي خاص محبوبيت درلود چي
له امله يې په ١٣٨٢ کال کي د اساسي قانون له مخي د ملت د بابا په لقب ووياړل سو.
د نوموړي په
اړه ويل کېږي چي د خپلي واکمنۍ پر مهال يې افغان ولس يو موټى ساتلــــئ و او د وينو له تويولو
او وژنو څخه يې سخته کرکه درلوده.
د هغه د واکمنۍ پر مهال په افغانستان د تعليمي نظام پرمختګ
يوه ستره لاسته راوړنه ګڼل کېږي او ويل کېږي چي د ښځو د آزادۍ او د هغوى د تعليم دپاره يې نه هېرېدونکي خدمتونه
کړي دي.
د افغانستان ولسمشر حامد کرزي نن سهار د نوموړي د مړيني په اړه په يوه خبره غونډه کي د
وينا پر مهال وويل:
((د ملت بابا نور زموږ په منځ کي نسته خو د خپلو کارنامو له مخي به تل ژوندئ
وي)).
ولسمشر کرزي همدا راز د نوموړي د مرګ په خاطر په ټول هيواد کي ٣ ورځنى ماتم اعلان کړ او ويې ويل
چي له هيواده بهر به هم د افغانستان په ټولو سياسي نمايندګيو کي د افغانستان بيرغ د ماتم په خاطر نيم ځوړند
وي.