دخپریدو نیټه : 2010-01-31 مخپرونکئ : 011 - دبېنوا اداره - کابل
بېنوا - پرلیکه پښتو نړۍ (لسګونه کتابونه پرلیکه شوه )
خالد هادي حیدري
بېنوا پرلیکه پښتو نړۍ ـ چي د انټرنيټ په پراخ ډګر کي د پښتو او پښتنو لپاره هلي ځلي کوي او یوازي په پښتو خپرول کول ، پښتو ژبي ته کار کول خپل فطري ژبنی او ټولنیز حق ګني دا دی یوځل بیا د یو نایاب پرمختګ څخه تاسي خبروي چي هغه په انترڼیټ کي د پښتوکتابونو یو بې سارې ځای پرځای کول دي تر څو دنړۍ په ګوټ ګوټ کي پښتانه وکولای سي چي دچاپي بڼي تر څنګ په انلان شکل هم ځیني ګټه واخلي . ددې تر څنګ ځیني هغه کتابونه مو هم پرلیکه کړي دي چي تر اوسه په چاپي بڼه ندي خپاره شوي او یوازي انلان له دې لاري تر تاسي در رسیږي او س دا په زغرده ویلای سو چي په هیڅ پښتو پاڼه کي په دونه شمیره پښتوکتابونه نسته . او دا لړۍ به په نژدې راتلونکي کي دوه برابره کړو . بېنوا انټرنيټ پاڼه هڅه کوي چي مهم اسلامي کتابونه په پښتوژبه د جیدو علماکرامو په مټ وژباړي او د بېنوا له لاري ئې تاسي ته خپاره کړي ، هغه ورونه چي علاقه لري د بېنوا د کتابتون مهم کتابونه هغه که د هري برخي وي او تراوسه یوازي انلان خپاره شوي په خپل مالي لګښت چاپ کړي بېنوا انټرنیټ پاڼه ئې د چاپ چاري په غاړه اخلي، د پاڼي د مشرتابه سره دي په دې هکله په تماس کي سي . په پښتني مینه (ستاسوخالدهادي )
لاندي کتابونه د پرلیکه کیدو په درشل کي دي
ـ دښاغلي احمد شاپوپل د کتابونو بنډل (۱۲ کتابونه)
ـ دښاغلي پوهندوی محمد اسمعیل یون د کتابونو بنډل (پاته ۱۹ نور کتابونه)
ـ د خيام سُرونه د پښتو په تال كي :د عبدالباري جهاني شعري ژباړي
ـ په فلسفه کښي تلپاته پېښي : دنصیراحمد احمدي ژباړه
ـ دراغند د څپو ژبه ( لومړی ټوک ) : دصالح محمد صالح راټولونه
ـ د ارغند دڅپو ژبه ( دوهم ټوک ) : دصالح محمد صالح راټولونه
ـ محدود مقاومتي سیل : دعنایت ساپي کتاب
ـ لوی احمد شاه بابا او څلور انده
ـ رمز د سعید زابلي شعري ټولګه
ـ فقه : پوهاند محمد اسحاق حسين خيل کتاب چي د شرعياتو(لوړو زدکړو لپاره لیکل شوی )
ـ ادبي نثرونه : دارواښاد علامه پوهاند عبدالشکور رشاد اثر
ـ دکارنامو میرمني : دارواښاد علامه پوهاند عبدالشکور رشاداثر
ـ دبینوا یاد : دارواښاد علامه پوهاند عبدالشکور رشاد اثر
ـ دګلوګیډۍ دارواښاد علامه پوهاند عبدالشکور رشادشعري ټولګه
ـ افغانستان او طالبان : د مولوي وکیل احمد متوکیل کتاب
ـ اروایی روغتیا دصالح محمد صالح ژباړه
ـ نور الظلم (روښنائي دتاريكى ) د جان محمد کاکړ ژباړه
او له (۷۰۰) څخه زیات نور کتابونه چي یوپه بل پسي به پرلکه شي