مرسته     |     دپاڼي نقشه     |     ننوتل
دخپریدو نیټه : 2007-09-21   مخپرونکئ : عُمر واحديار

د سولي په ورځ په لسګونو کسان ووژل سول

عمر واحديار


په داسي حال کي چي ملګرو ملتونو د سپټمبر ١ مه په افغانستان کي د سولي ورځ نومولې ده، د بېلا بيلو نښتو په ترڅ کي په لسګونو افغانان او بهرنيان وژل سوي دي.
نړيوالو مطبوعاتو د ايتلافي ځواکونو په حواله خبر ورکړ چي د روزګان په ولايت کي يې په ١٤ ساعته جګړه کي تر لسو ډېر طالبان وژلي دي.
ځواکونه وايي يوه ډله طالبان د سړک غاړي د بمونو په ښخولو لګيا وه چي د ناټو ځواکونو الوتکو بمبار پر وکړ.
د روزګان چارواکي وايي په دغه پېښه کي شپږ ملکي کسان هغه وخت ووژل سول چي طا بانو يوه کلي ته پناه يووړه او ځواکونو پر  کلي بمبار وکړ.
د هلمند له ګرمسېر ولسوالي څخه چي له يوې مياشتي راهيسي د طالبانو او ناټو ځواکونو تر منځ نښتي رواني دي په هوايي بمباريو کي د ٤٠ طالب جنګياليو د وژني خبر و کړل سوى دئ.
د ناټو ځواکونو خبرپاڼه وايي په دغه پېښه کي څو تنه ملکي کسان هم وژل سوي دي.
همدا راز د برتانيې د دفاع وزارت خبر ورکړى چي د سړک د غاړي په چاودنه کي يې دوه عسکر وژل سوي دي.

له هلمند او روزګان څ خه ليري د کابل په کمپنۍ کي يوه ځانمرګي بريد هم يو فرانسوى وژلى او څو نور افغانان يې ټپيان کړي دي. 

 

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery