بېنوا داووم خپرنیز کال په درشل کې
په تېر کال کې د بېنوا دیني برخه بډایه شوې او ګڼ لوستوال یې موندلي دي. د نړیوالو رسنیو څار او تحلیل، مرکې او رپوټونه، د جنګي جنایتونو اسناد، علمي او څیړنیزې شننې، ورزشي خبرونه، د ژورنالیستانو پېژندګلوي، خبرتیاوې او پیغامونه، کارموندنې، اړین معلومات، د بېنوا موسیقي او ادبي ملغلرې ټول هغه څه دي، چې په تېر یوه کال کې یې پاموړ مخاطبان درلودل. ....   نورتفصیل...

بېنوا انټرنیټ پاڼه دخپل مطبوعاتي یون دتیر کال په کاري بهیر کي د یوشمیر غوره لیکوالو او ددې پاڼي سره د څانګړي همکارانو دجملې څخه چي پروخت يې د خپل ملت د کړاونو په ژبه خپله ملي او وجداني دنده او مسؤلیت پرځای کړیدي لیکوال اوژباړن ډاکټر نثاراحمدصمد د همدې کال غوره لیکوال نوموي ، ښاغلي صمد د بېنوا پاڼي د یو همیشني همکار په توګه  دبهرنیو مطبوعاتو په څار او بهرنیو توطیو په رابرسیره کولو سره  سلګونه لیکني ژباړلي  او هم ئې دخپل ولس له دردونو،کړاونو او ستونزو ډک ږغ پروخت دبېنوا له لاري  په نړیواله کچه تر نورو رسولی دی. بېنوایان ښاغلي ډاکټرنثاراحمد صمد ته کوم مادي جایزه په لاس کي نه لري خو دمعنوي پلوه به ښاغلي صمدپه یو ستاینلیک ونازول شي . بېنوا انټرنیټ پاڼه هر کال دغوراوي لپاره د هیواد دژورنالیستانو ، لیکوالانو او فرهنګي فعالو څهرو څخه یو کس دکال دغوره لیکوال یا ژورنالیست په حیث غوره کوي تیر کال ددې پاڼي غوره لیکوال ښاغلي نذیراحمدسهار و . (اداره )