پښتني پانګه
دبېنوا د هنر او ادب برخه
د ادب دخيالي نړۍ د هنري پنځونو په طلايي اسمان کښي زموږ بې شمېرو راڼه ستورو د خپلو تاندو او قشنګو اندونو په مسيحا لاسونو خپله ټولنه ، ژبه او کلتور د تاريخ له اوږدو څخه تر دې دمه او د ځمکي پر مخ د ادم تر وروستي قدمه ژوندي ساتلي او ساتي به ئې .
د کائيناتو د رڼا او ښکلا ستر او لايزال نــــــور ( ج) د افغانانو کور هيڅکله هم بې بلو شمعو ندی پريښی ، د فلک تر شنه وزر لاندي ئې زموږ د هر نسل په لمن کي ګلونه اورولي او په هر دور کښي ئې زموږ د استعدادونو پر اذهانو د شعري شاپېری د ښکلا او هنري نبوغ سيوری غوړولی دی
همدا لامل دی چي پښتو د شعر او شاعری ژبه بلل کيږي . معاصره افغاني ټولنه چي همدا اوس اوس خپلي خوبولي سترګي موښي او د سپين سبا ګلاليو وږمو له خوبه پاڅولې د خپل ځان سره بې شميره تاند ليکوال او شاعران لري چي هر يو ئې د سپرلني ګلونو په څير ځانته جلا رنګ او ښکلا لري .
موږ به د وس تربريده هڅه وکړو چي په دې برخه کښي د هغوی د تخيُلي شاپيريو انځورونه ستاسو مخي ته کښيږدو او له دې لاري هغوی وپالو ترڅو نور مانيز شعورونه وپنځوي او لا زيات نور استعدادونه وروزي
|
