څه خبر یم چي ژوندون دی = او که ښورو خوشي هسي
نه مورنګ شته نه موبوی شته = په ځان لوړو خوشي هسي
پخوا وو ، اوس څه له نه یو = دانه ګـــورو خوشي هسي
نه صُغرا شته نه کُبرا شته
هیڅ قیاس کــــــولای نشو
هري خوا ته تاریــــــکي ده = هیڅ رڼا نه را ښکاریږي
هرڅوسترګي سره کش کړم = یو بینا نه را ښکـــاریږي
دغه مړ دی هغــــــه مړ دی = څه وینا نه را ښکـاریږي
پــه بینا سترګو ړانده یو
سمه لار لیـــــدلای نشو
څوک ځي پورته،څوک ځي کښته = داد دې زمان ناورین دی
سترګي روڼي څه نه وینو = روڼ چیني راته خاورین دی
د ځان شهد ګنډېر بولــــو = د بل مرچ راته شیــرین دی
کــله پاڅو کلـــــه پرزو
ټینګ اساس تړلای نشو
په دیوال کښې کوږ سوری وي = خو بوڼکی ځیني خو ځیـږي
رنګ د ګل خوند ئې د پیازوي = هر سړی باندي غولېـــــږي
ته ئې بوم بولې ځان بازکړي = هر مرغه ترېـــنه وېرېــږي
د وجدان وجدان نارې دي
خو اثر ئې کتـــای نشـــــو
وزر شته الوتای نشـــــو = چا مات کړی مو وزر دی
خوله لرو ږغېـــدای نشو = دا د کوم جـادو ، اثر دی ؟
خپل پایڅې مو زولنې شوې= ځکه حال داسي ابتــــر دی
زړه مو سوځي خوله مو پټه
د زړه درد ښودلای نشــــــو
