تاریخي اسناد او لوی جنایتکاران

بېنوا اڼترنیټ پاڼه دافغانستان دروان کړکیچ دهغو سترو جنایتکارانو ددسیسواو ناوړو افکارو څخه پرده پورته کوي چي روسانو دستروتېریو په پایله کي ئې  زموږ وطن تر ننه په لمبو کي سوځي دغه  تاریخي شواهدود یونوي باب په حیث دهغوی د څېرو د بربنډولو لپاره  مهم او داعتبار وړ لاسوندونه دي چي تاسي ته ئې د یو تاریخي رسالت او مسولیت له مخي  په پښتو، انګلیسي او خپل اصلي رووسي بڼه وړاندي کیږي .دغه لاسوندونه  دپښتو ژبي د نامتو ژباړن او لیکوال ښاغلي رحمت اریا په زیار راټول شوي او په روانه پښتوژباړل شوي دچاپ او خپراوي ټوله حقوق ئي دبېنوا انټرنیټ پاڼي او ژباړن سره په ټولزه توګه خوندي دي

افغانستان ته د شوروي اتحاد د سفیر الف. میم . پوزانوف او د تره کي منځ د خبرو لنډیز

پښتو ژباړه : رحمت آریا
سپتامبر، ۲۰۰۸

تره کي پوزانوف ته د خپلو هغو خبرو اترو په اړه خبر ورکړ چې نوموړي د پياوړو خوندي څپو لرونکوې (های فریکوینسي) راډیو له لارې له برژینیف، کاسیگین، اوستینوف، گرومیکو او پونیماریف سره کړې وې. شوروي مشرانو پریکړه وکړه چې که ایران، پاکستان او نورهېوادونه د افغانستان پرډیموکراتیک جمهوریت برید وکړي نو شوروي اتحاد به ورسره سیاسي او پوځي مرسته وکړي، ددې لپاره چې د هوا له لارې د لیږد چارو ته چټکتیا ورکړل شي نو د کریدیتونو د نېټې د پای نیټې دې وځنډول شي، د افغانستان ډیموکراتیک جمهوریت ته دې سل زره ټنه دانه باب ورکړل شي او د هغه طبیعي گازو بیه دې لوړه کړای شي چې شوروي اتحاد له افغانستانه راپیرودلي دي. تره کي د شوروي اتحاد له سوسیالیستي جمهوریتونو څخه مننه کړې چې دافغانستان د ډیموکراتیک جمهوریت په کورنیو چاروکې د پاکستان او ایران د لاسوهنې د غندنې په موخې یې اعلامیه خپره کړې ده.

[پالیزه یادښت: د افغانستان د اړوپیچ په تړاو د شوروي اتحاد د کمونیست گوند مرکزي کمېټې ته د جوړ کړل شوي گزارش د ژباړې لپاره چې گرومیکو، اوستینوف او پونیمارییف د ۱۹۷۹زکال د اپریل په لومړۍ نېټه چمتو کړی او سیاسي بیرو ه د ۱۹۷۹زکال د اپریل د مېاشتې په ۱۲ نېټې منلای وو ، د سړې جگړې د نړیوال تأریخ د پروژې دریم بولتن وگورﺉ (د ۱۹۹۳ زکال منی) ۶۷ – ۷۹]

اخځ :
http://www.wilsoncenter.org/index.cfm?topic_id=1409&fuseaction=va2.document&identifier=5034DBF6-96B6-175C-935A5B274DB250F0&sort=Collection&item=Soviet%20Invasion%20of%20Afghanistan

 

شاته پاڼه

داسنادو لومړی مخ

مخته پاڼه