دوهمه انتفاده:
د مېشته كېدني په اړه د فلسطين او اسرائيلو تر منځ خبري اتري د 2000م كال په جولاى كي پاى ته ورسېدې، فلسطينېانو ټينګار كاوه چي اسرائيل دي هغه كډوالو ته چي و اسرائيلي سيمو ته راستنېدل غواړي، اجازه وركړي، او په دې كار كي د فلسطينېانو موخه دا وه چي په اسرائيلو كي د فلسطېنېانو ټولني جوړي كړي، خو اسرائيلو ددې كار مخالفت كاوه، او هم ئې په څو مهمو فلسطيني سيمو خپل كنترول غوښت
د فلسطېنېانو پاڅون د 2000م كال د سپتمبر په 28مه هله زور واخيست چي اسرائيلي وزير ايرېل شېرون په بيت المقدس كي د مسجد اقصى څخه ليدنه كوله. د فلسطيني وګړو دا دوهم ستر پاڅون هم د اسرائيلو ځواكونو له خوا د فلسطينېانو د كورونو د نړولو او پر هغو د ظلمونو په نتيجه كي سر را پورته كړي، چي ددوهمي انتفادې په نامه و نومول سو.
د فلسطين او اسرائيلو تر منځ د سولې راوستلو په بهير كي د تابا يا Tabaپنامه خبري اتري هم و سوې، او په دې خبرو اترو كي فلسطېنېانو د متحدو اېالاتو د ولس مشر بيل كلنتن هغه پلان چي د مېشته كيدني لپاره جوړ سوى وو، رد كړ.
تر دې مذاكراتو وروسته اسرائيلي لومړى وزير يهود بارك چي د همدې پلان په پروسه كي ئې مهم رول درولود، په اسرائيلي ټولټاكنو كي ماته و خوړه او پر ځاى ئې اوسنى لومړى وزير اېريل شېرون و ټاكل سو.
د متحده اېالاتو د زېاتو هڅو سره سره چي غوښتل ئې دوهمه انتفاده ارامه كړي، دا انتفاده تر 2002كال پوري راوانه وه.
د 2001 كال د سپتمبر يولسمي، د فلسطين او اسرائيلو تر منځ تاو تريخوالى لا زېات كړ، عرب هيوادونو غوښتل په ټوليز ډول د فلسطېنېانو دفاع و كړي، خو له بل لوري متحدو اېالاتو په لبنان كي د حزب الله او په فلـسطين كي د حماس مذهبي ډول فعاليتونه تر خپلي پوره څارني لاندي راوستلي وو، هغې مظاهرې چي د القاعده ډلي د مشر اسامه بن لادن په پلوي جوړه سوې وه، د فلسطيني مذهبي ډلو پر سېاست بېله اغېزه وكړه.
اسرائيلو د 2003كا ل د جنوري په دريمه په وسلو بار هغه بېړۍ چي و فلسطين ته پر لاره وه، و نيول او شواهدو وروسته څرګنده كړې وه چي نوموړې كښتي د ايراني دولت لخوا و حزب الله ته لېږل كېده.
همدې پېښو ته په كتنه، متحدو اېالاتو او اروپائي ټولني و اسرائيلو ته واك وركاوه، چي د فلسطين دولت پر ضد اقدامات و كړي. اسرائيلو هم دا ډول اقدمات پيل كړي او بې ګناه فلسطېنېان ئې سخت و ځپل، پر فلسطيني سيمو ئې يرغلونه و كړل او د فلسطيني دولت مشر ېاسر عرفات ئې پر خپل هستوګنځي Ramalahكي نظر بند كړ، خو د اسرائيلو دې بې رحمانه اعمالو كله د فلسطېنېانو سپېڅلې عقيده او خپلواكي غوښتونكي روحيه اړولاىسواى، فلسطېنېانو هم له خپلو بريدونو لاس وانه خيست او ځان مرګي بريدونه ئې تر سره كړل.

د سعودي د سولي تړون او د فلسطيني دولت د رسميت پېژندني معاهده:
د سعودي ملك شهزاده عبدالله هم د فلسطين او اسرائيلو د اوږدمهاله ناورين د پاى ته رسولو لپاره يو وړانديز چي Saudi Peace Proposalنوميږي، وړاندي كړى دى، دا طرحه د فلسطيني سيمو څخه د اسرائيلو د وتلو اوهم د مهاجرت پر سر موضوعاتو متمركزدى، او د عرب سرمشريزي ېا Arab Leagueتر غونډي وروسته منل سوى دى.
د 2002كال د مارچ پر دولسمه د ملګرو ملتونو د امنيت شورا 1397نمبر معاهده صادره كړه، چي يو ځل بېا ئې له دواړو خواو څخه د بريدونو پاى ته رسول غوښتل، دې معاهدې هم د ملك عبدالله د پلان ېادونه كړې او په لومړې ځل ئې د فلسطين دولت د جوړېدو ژمنه كړې وه.