د کابل ولایت ابتدايي محکمې، یو افغان پولیس د یوې بهرنۍ د عکاسې د وژلو او یوې خبریالېد ټپي کولو په خاطر په اعدام محکوم کړ. دا پرېکړه د کابل ابتدايي محکمې وکړه خو د افغانستان له قوانینو سره سم حکم هغه وخت د اجرا وړ دی چې دوې نورې محکمې هم پرېکړه وکړي. د کابل ولایت په ابتدايي محکمه کې شپږ قاضیانو، د افغان پولیسو د یوه ټولي قومندان نقیب الله د قتل او له وظیفې سره د خیانت په تور په اعدام محکوم کړ. د نقیب الله مدافع وکیل د محکمې د حکم تر صادرېدو مخکې ځیني اسناد وړاندې کړل او استدلال یې وکړ چې موکل یې عادي او نورمال نه دی خو قاضیانو د هغه دلایل ونه منل. د وري په میاشت کې د اسوشیتید پریس خبري اژانس عکاسه انجا نایدرینګاوس په یوه وسله واله حمله کې ووژل شوه او د دې اژانس خبریاله کتي ګنن ټپي شوه.