د اروزګان ولايت د چار چينو ولسوالۍ په لوړ دوان سيمه کې د پوليسو پر قومندان بمي چاودنه سوې ده.
دا چاودنه نن سهار اووه بجي په ياده سيمه کې پر هغه قومندان سوي کوم چې په سيمه کې د ملي پوليسو د پنځو امنيتي پوستو مشري در د غاړي وه.
د چار چينو ولسوالۍ امنيه قومندان ولي داد وايې ، چې د جمعه ګل څاروان په نوم د ملي پوليسو د پنځو امنيتي پوستو قومندان پر موټر سايکل سپور وو چې پر ښخ سوي ماين ور برابر سو.
دى وايې چې په پېښه کې يوازي قومندان وژل سوى دى او کوم بل چا ته زيان نه دى اوښتى.
دغه پوليس قومندان په تيرو وختونو کې د زياتو بريدونو څخه روغ رمټ وتلى وو.
تر اوسه کومي ډلې د دې پېښي په اړه څه نه دي ويلي .