دافغانستان لپاره دملګرو ملتونو ځانګړي استازي د مثبتو بدلونونو په موخه د افغان ولسمشر ډاکتر اشرف غني احمدزي کارونه وستایل او د ډېرو مرستو ډاډ یې ورکړ. ولسمشر اشرف غني احمدزي نن له غرمې وړاندې د افغانستان لپاره د ملګرو ملتونو له ځانګړي استازي یان کوبیش سره په ارګ کې وکتل . په دې کتنه کې،یان کوبیش دمثتبتو بدلونونو راوستلو لپاره دولسمشر غني اراده وستایله .کوبیش د افغانستان او امریکا ترمنځ دامنیتي تړو ن دلاسلیک کولو او د ولسمشر دهغه حکم هرکلی وکړ، چې له مخي به یې دکابلبانک دوسیه وڅېړل شي .یان کوبیش همداراز ولسمشر غني ته د ملګرو ملتونو د سر منشي بانکي مون د مبارکي مراتب وړاندي کړل او ډاډ یې ورکړچې ملګري ملتونه به یې له دولته سره دوامداره مرستي کوي .
ولسمشر اشرف غني احمدزي هم له یان کوبیش نه مننه وکړه ،چې دټاکنو په پروسه کې یې درایو په ارزونه کې هلې ځلې وکړې او غوښتنه یې وکړه ، چې ملګري ملتونه دي د افغانستان له خلکو سره خپلې مرستې چټکې کړي .