دکابل په ده سبز ولسوالۍ کې نن سهار د ځانمرګي برید له امله افغان سرتېرو ته مرګ ژوبله واوښته .برید شاوخوا اته بجې د ده سبز ولسوالۍ د تره خېلو په کلي کې شوی دی . دکابل د امنيه قوماندانۍ وياند حشمت الله ستانکزي پېښه تاييد کړه، خو په دې اړه يې نور معلومات نه درلودل.خو عیني شاهدان وايي ،چې په پیښه کې یو پولیس وژل شوی او دری نور ژوبل دي .دوی وايي چاودنه هغه مهال وشوه ،چې ځانمرګي برید کوونکي خپل له چاودېدونکو موادو ډک موټرد افغان ځواکونو له یوه رینجر موټر سره وجنګاوه. ویل کیږي په برید کې د افغان ځواکونو دګزمې موټر هم ویجاړ شوی دی .