په کندهار کې د فوځ مسوولينو د دې ولايت په ژړۍ او ارغنداب ولسوالۍ کې څوارلسو وسله والو طالبانو ته د مرګ ژوبلي د اوښتلو خبر ورکړ .
د ۲۰۵ اتل قول اردو د مطبوعاتي دفتر څخه خپره سوې خبرپاڼه وايې ، چې د دې قول اردو سرتيرو تير څلرويشت ساعتونه د ميوند ولسوالۍ د بند تيمور او د ارغنداب ولسوالۍ د خان محمد کاريز په سيمه کې د باور په نوم عمليات کړي دي .
خبرځای وايې ، چې د بند تيمور په عملياتو کې ۷ تنه وژل سوي او دارغنداب په عملياتو کې څلور تنه وژل سوي او درې تنه نور ټپيان سوي دي .
د خبرځای د معلوماتو له مخي چې د ملي اردو سرتيرو ۲۸ کړۍ ډول ډول ماينونه هم کشف او له منځه وړي دي .
په عملياتو کې د افغان فوځ لوري ته د زيان اوښتلو په اړه معلومات نه دي وړاندي سوي او وسله والو طالبانو هم په دې اړه څه نه دي ويلي .