په کندهار ښار کې پوليسو هغه ځانمرګي بريدګر وواژه، چې غوښتل يې خپل هدف ته ځان ورسوي او د چاوديدونکو توکو بار موټر ته چاودنه ورکړي.
له بريدګر سره په موټر کي ۲۰۰۰ کيلو ګرامه چاودېدونکو توکي وه.
هغه نن غرمه دوولس بجې د کندهار ښار ختيځ ته د شپږمي امنيتي حوزې امريت ته نژدې د پوليسو له خوا تر پېژندل کېدو وروسته وويشتل سو.
د کندهار د امنيه قومندانۍ د امنيت امر جنرال رحمت الله اطرافي د پيښي په ځاي کي خبريالانو ته وويل، چي ځان مرګي هدف ته له رسيدو مخکي د شپږمي امنيتي حوزي پوليسو له ليري په خپل موټر کي وويشت او د ۲۰۰۰ کيلو ګرامو ډک موټر يې د تخنيکي ټيم له خوا شنډ کړل سو .
اطرافي خبريالانو ته وويل چي ځان مرګي غوښتل د منډيګک ماڼۍ، هندوستان سفارت او کندهار محبس څخه يو په نښه کړي ، نوموړي زياته کړل ، چې بريدګر وړاندي لا د پوليسو ترتعقيب لاندي وو.