د نیپال دولت ویلي چې په دغه هېواد کې د زلزلې له کبله د وژل شویو شمېر یو نیم زر کسانو ته رسېدلې دی. د نیپال د اطلاعاتو وزیر ویلي چې په راتلونکو ۲۴ ساعتونو کې دغه کچه ښايي دری چنده شي، ځکه لا هم ګڼ خلک تر نړېدلو ودانیو لاندې دی. تېره شپه هم ګڼو نیپالیانو له کورنو د باندې په سړه او باراني هوا کې تېره کړه. پرون په نیپال کې د ریختر په کچه اووه اعشاریه اته درجې زلزله وشوه. شینهوا خبري اژانس د نیپال د کورنیو چارو د وزارت له قوله ویلي چې د دې زلزلې له کبله ۱۸۰۰ کسان وژل شوي او ۴۷۰۰ تنه ټپيان شوي دي.