غلچکي بريدګرو په ارزګان ولايت کي د يوې امنتي پوستي قوماندان ټپي کړ او ساتونکی يي ور واژه .
پيښه تيره ورځ مازيګر د دې ولايت د دهراوود ولسوالۍ په بازار کي هغه وخت رامنځ ته سول ، چي غلچکي بريدګرو د پله په نوم د يوې امنتي پوستې پر قوماندان ډزي وکړي .
د دهراود ولسوالۍ ولسوال امين الله خالقي وايي چي په پيښه کې د پوستې قوماندان ټپي سوی او يو ساتونکی يي وژل سوی دی .
د پيښي مسووليت تر دې مهاله چا په غاړه نه دی اخستی .