د زابل ولایت په شینکۍ ولسوالۍ کې یوه مېرمن د کورنۍ تاوتریخوالي له امله وژل شوې او چارواکي وايي چې د پيښې په تړاو یې پلټني پيل کړې دي.
د وژل شوې مېرمنې ورور اسدالله وویل د خور د واده یې دوه کاله کېدل او په کور کې ورسره د خاوند، خواښي او لېوره له لوري تاوتریخوالی کېده.
هغه وايي چې خور يې تر وهلو لاندې وژل شوې او اوس یې دوی جسد د زابل مرکزي روغتون ته د طبي څېړنو لپاره راوړی او غواړي چې حکومت باید د دې پېښې عاملین ونیسي او سزا ورکړي.
د کلات د مرکزي روغتون سرطبیب ډاکتر محمدهاشم توخي وویل چې د جسد له لومړیو معاینانو څرګندیږي چې وژنه د زندۍ کېدو له امله رامنځ ته شوې ده.